Uteskule - kvifor, korleis og kva?

Kva er uteskule og kvifor?

Uteskule er aktiv læring der eleven får læra med heile seg.

Når me har turdagar og turar er det ofte turen med det sosiale og det fysiske som er målet. Når me har uteskule jobbar me med fag. 

​

Døme frå matematikk:
Byggjer eit kongletårn saman med klassekameratane.

Dei ser kor høgt tårnet var når det blir 80 cm, men lærer også om samarbeid og er fysisk aktiv.

Du kan lesa meir om kvifor me har uteskule på friluftsliv i skolen sine nettsider. 

​

Korleis

Dei dagane me har uteskule møtest me på skulen før me kler oss og går ut. 

Spør oss eller gi beskjed om det er noko de eller eleven synes er vanskeleg eller om det er noko anna de lurar på.

Det er viktig med klede som passar til veret. Lurar du på kva kle som trengs til ulike årstider?

Norsk friluftsliv har ein plakat som viser kva som kan vera rette kle og utstyr for ulike årstider. 

På Tema morsmål sine sider kan du finne informasjon om korleis ein kler seg på vinteren på mange språk. 

​

Ha gjerne ein eigen sekk for dagar med uteskule. Mange treng litt ekstra mat når dei har uteskule. Dersom de ikkje har fått annan beskjed er det vanleg niste også på uteskule. Sjekk gjerne at det er vatn på drikkeflaska. Det er fort gjort å bli våt på føttene, med ekstra ullsokkar heldt ein seg varm.

​

Tips: 

• Ha gjerne grillmat i porsjonar i frysen, slik at de ikkje treng å handle dagar med grillmat

• På finn.no, kjøpe-selje-grupper og liknande kan ein få tak i gode klede og utstyr  som ikkje kostar så mykje.

• På BUA kan ein låne utstyr til alle årstider heilt gratis.

​

Kvar er uteskulen?

De får beskjed om kvar me har uteskule. 

Ofte har me uteskule like ved skulen. Dei vaksne er då ute med oss. Dersom me går litt lengre vurderer skulen alltid om det er behov for fleire vaksne. Gå gjerne ein tur i området der me har uteskule.

​

Døme på aktivitetar og snakkeark

Friluftsrådet har laga ei samling med aktivitetar for uteskule som heiter "Læring i friluft". For nokre av desse har me laga snakkeark. Desse kan brukast for å snakke om kva som skjer på ein aktivitet før uteskulen eller korleis dagen har vore når ein kjem heim: Teikne kart (samfunnsfag), Fargekongen (kroppsøving), kolstift (kunst & handverk), steikte eple (mat & helse), mengderingar og tre på rad (matematikk), kva flyt? (naturfag), bokstavskattejakt og lydleik (norsk).​

​

​

​

​